Sporti ukrainas është në zi. Edhe dy sportistë të tjerë kanë humbur jetën në zonën e luftës nga ushtria ruse, duke e cuar në 8 numrin, përfshi trajnerët. Yevhen Zvonok ka ndërruar jetë nga plagët e marra gjatë luftimeve në qytetin Chernigovone.
Mediat ukrainase njoftojnë se 22 vjeçari ndërroi jetë nga bombardimet e ushtrisë ruse, e cila po mundohet ta pushtojë edhe kryeqytetin, Kiev. Zvonok, kampion ukrainas, kishte fituar edhe medaljen e argjendtë në Kampionat Botëror.
Pra, ai ishte nënkampion botëror dhe pritej shumë nga ai. Madje, njohësit e këtij sporti luftarak besonin se 22 vjeçari në të ardhmen kishte potencial të shpallej edhe kampion botëror. Por, ai iu bashkua ushtrisë ukrainase për ta luftuar agresorin rus.
Më 3 mars ai u befasua nga një prej bombardimeve ruse në Chernigov, ndërsa të hënën u gjet trupi i tij në shkollën në gërmadhat e shkollës që ishte bombarduar.
“Askush nuk e priste që ai t’i merrte armët. Ai ishte një djalë i qetë dhe i mirë, një sportist i talentuar. Por, kur erdhi koha për ta mbrojtur vendin, ai nuk mendoi fare”, – theksoi shoku dhe trajneri i tij, Sergey Lysyuk, jashtëzakonisht i mërzitur për humbjen e sportistit.
Por edhe një talenti të basketbollit në Ukrainë i është ndalur në gjysmë ëndrra për të luajtur në NBA. Bohdan Popova është vrarë në vendin e tij nga forcat ruse, të cilat po e sulmojnë Ukrainën tani e gati dy javë.
The talented Ukrainian teen basketball player Bohdan Popova was killed this week.
The 6’3” Popova averaged 13 points and 19 rebounds per game.
He dreamed of playing basketball in the NCAA for UCLA because he idolized Bill Walton. pic.twitter.com/auzKMiuGoR
— Visegrád 24 (@visegrad24) March 7, 2022
19 vjeçari ishte pjesë e ekipit të të rinjve në Ukrainë dhe kishte mesatare prej 13 pikësh e 19 kërcimesh për ndeshje. Por, pasi filloi lufta, ai iu bashkua ushtrisë ukrainase në mbrojtje të atdheut nga agresori rus. Mirëpo, fatkeqësisht u vra nga ushtria ruse.
Ai ëndërronte të studionte në kolegjin UCLA në Shtetet e Bashkuara të Amerikës dhe të luante fillimisht në ligën NCAA e më pas në NBA. Shumë sportistë të njohur ukrainas, por edhe ish-sportistë, i janë bashkuar ushtrisë në mbrojtje të atdheut.
VAZHDO TË LEXOSH MË TEPËR PËR TEMËN
Lojtarët e huaj në Ukrainë e Rusi mund të luajnë diku tjetër
