10.03.2022 - 18:33
Patinatori australian Steven Bradbury, medalje ari në Olimpiadën dimërore të Salt Lake Citty në vitin 2012, ka kryer një gjest heroik në vendlindjen e tij. Ai u ka shpëtuar jetën 4 vajzave të vogla, që ishin duke u larë në brigjet e detit, por që dallgët e mëdha kanë rrezikuar t’u merrnin jetën.
48-vjeçari që ndodhej në plazhin e Queensland së bashku me djalin e tij për të bërë sërf, ka vënë re vajzat e reja që ishin në vështirësi dhe menjëherë ka hyrë për t’i shpëtuar, pavarësisht dallgëve të mëdha.
Të katërta vajzat shpëtuan edhe pse njëra kaloi në krizë. Gjithsesi, një fund i lumtur dhe vajzat deklaruan se pa ndihmën e Bradbury nuk do t’ia kishin dalë mbanë të shpëtonin nga dallgët e mëdha.
