Nuk ka fitues në ndeshjen e fundit të javës 24 të Superligës mes Kukësit dhe Vllaznisë, me sfidën që u luajt në “Elbasan Arena” dhe u fiksua 0-0. Dueli për vendin e tretë nuk prodhoi fitues, kështu që gjithçka mbetet e hapur për një vend në Evropë.
Ishte Vllaznia që në minutat e para u përpoq të surprizonte Kukësin, ku Aralica u shfaq dy herë para porte, por pa sukses. Kukësi ekuilibron ndeshjen dhe futet në rrjedhën e zakonshme. Në minutën e 24-t ikin dritat në stadium, teksa ndeshja ndërpritet për disa minuta.
Verilindorët marrin iniciativë, por duhet theksuar se shumë gabime në mesfushë nga të dyja skuadrat. Edhe pjesa e dytë është e ekuilibruar, por skuadrat më shumë përpiqen mos pësojnë se sa të shënojnë.
Në fund ndeshja ndizet dhe krijohen disa mundësi shënimi për të dy ekipet, por nuk ishte e thënë që topi të hynte në portë. Mbyllet pa gola, një pikë që vlen pak për të dy ekipet, sidomos për Kukësin që luante si pritës.
VAZHDO TË LEXOSH MË TEPËR PËR TEMËN
Teutës i mjafton një gol, ngec përsëri Laçi
