26.03.2022 - 23:07
Ka nisur çmontimi i dyerve të blinduara të selisë së Partisë Demokratike.
Në pamjet e siguruara, shihet se si disa persona po punojnë për të hequr armaturat metalike nga dyert kryesore të selisë. Kjo masë, ishte paralajmëruar më herët nga Komisioni i Rithemelimit, që dje, pas vendimit të gjyqtarit Agron Zhukri mësynë drejt selisë blu.
Gjithashtu, kjo strukturë ka thënë se tanimë, PD do i nënshtrohet një rikonstruksioni tërësor.
Në Kuvendin e thërritur më 30 prill, pritet të zgjidhen anëtarët e rinj të kryesisë dhe këshillit kombëtar, e më pas, do të hapet edhe gara për kryetarin e ri të Partisë Demokratike.
