FC Prishtina mori pjesë në Asamblenë e 27-të të Asociacionit Evropian të Klubeve (Europian Club Associaction) që u organizua të hënën në Vjenë të Austrisë.
Asambleja e Përgjithshme u drejtua nga kryetari Nasser Al-Khelaifi, i cili njëkohësisht është edhe president i skuadrës së madhe franceze, Paris Saint Germain. Në këtë Asamble pikë kryesore e diskutimit ishte stabiliteti financiar i klubeve evropiane.
FC Prishtinën, në mesin e 247 klubeve evropiane, po e përfaqëson presidenti Remzi Ejupi. Në këtë asamble po merr pjesë edhe kryetari i UEFA-s, Aleksander Ceferin, me të cilin Ejupi e ka zhvilluar një bisedë rreth futbollit të Ksoovës.
“Sot pata nderin që ta përfaqësoj FC Prishtinën në Asamblenë e 27-të të Asociacionit Evropian të Klubeve (Europian Club Associaction) që u organizua në Vjenë të Austrisë.
Në Asamble u diskutua në veçanti stabiliteti financiar i klubeve dhe shumë çështje të tjera. Pata nderin dhe kënaqësinë që të takohem me presidentin UEFA-s, Aleksander Ceferin, të cilin e njoftova në detaje rreth përpjekjeve që po bëjmë si shtet i ri për forcimin e futbollit të Kosovës dhe klubeve tona.
Ishte interesante biseda rreth situatës së fundit alarmante në Federatën e Futbollit të Kosovës ku Ceferin tha se të gjithë po thirren në emrin e tij dhe të institucionit që e drejton.
Ndjehem më fat që njoha nga afër edhe dy njerëz shumë të suksesshëm, presidentin e Paris Saint Germain, Nasser Al-Khelaifi, i cili e drejtoi Asamblenë e Përgjithshme ku morën pjesën 247 klube evropiane si dhe legjendën e portës së Gjermanisë, Oliver Kahn, i cili është anëtar i Bordit Ekzekutiv të Asociacionit Evropian të klubeve.
Ndërkohë, me presidentin e Fenerbahçe, Ali Koç, negociuam për bashkëpunim ndërmjet klubeve tona. Tashmë te ky klub Kosova ka lënë emër të mirë pasi që me shumë sukses është paraqitur sulmuesi ynë, Vedat Muriqi.”
VAZHDO TË LEXOSH MË TEPËR PËR TEMËN
FFK përjashton Vokrrin, kandidat për kryetar vetëm Ademi
