Ushtria ruse qëlloi mbi maknën e gazetarit zvicerian, Guillaume Briquet. Ngjarja u raportua në fillim të kësaj jave. Ai ndau historinë me gazetaren ukrainase, Tatiana Popov, që më pas u publikua nga Presidenti i Unionit Kombëtar të Gazetarëve të Ukrainës, Sergiy Tomilenko, në ”Facebook”.
Ushtarët rusë qëlluan me vetëdije mbi një veturë me mbishkrimin ”Press” teksa po udhëtonte nga Kirovograd në rajonin e Nikolaevit dhe më pas e grabitën atë. Plumbat i kaluan disa centimetra përtej kokës dhe nëse nuk do të ishte përkulur, do të ishte goditur.
Photojournaliste, il a survécu à une embuscade de militaires russes qui lui ont tiré dessus alors qu’il conduisait. Guillaume Briquet raconte la violence de cette attaque pic.twitter.com/ijXPGAWSpE
— Konbini news (@konbininews) March 10, 2022
“Nuk është ushtria, janë vrasësit e Putinit”, tha gazetari zvicerian. “Shkova në Nikolaev, ku pas kontrollit ukrainasit më lejuan të vazhdoj. Pasi mora patentën, vazhdova rrugën. Katër kilometra më tej, ata filluan të qëllojnë mbi makinën time – katër të shtëna kaluan rrëzë fytyrës”, – tha ai.
Pasi ushtarët rusë qëlluan në makinën, Guillaume doli prej automjetit dhe ngriti duart, duke thënë “Jam gazetar, mos më vrit”.
Ai thotë se i pyeti nëse ishin ukrainas, apo rusë dhe një i ri u përgjigj se ishin ushtarë rusë. Një tjetër, futi dorën në xhep dhe i mori 3 000 euro.
E pyeta pse m’i morën paratë, kjo është grabitje dhe ai m’u përgjigj “Kjo është situata tani” dhe qeshi, – tha gazetari zvicerain, i cili, pretendon se rusët i kanë konfiskuar pajisjet profesionale, laptopin, pasaportën dhe ushqimin.
“Më pas, rusi më tha: ‘Ke tre minuta, për t’u kthyer ose do të të vras’”, – tregon gazetari. Zviceriani ka shkuar në Ukrainë si gazetar, pesë ditë para fillimit të pushtimit rus.
VAZHDO TË LEXOSH MË TEPËR PËR TEMËN
“Ukrahina të jetë vend tranzit për gazin rus”
Agresioni rus në kinemanë ukrahinase
