Ne duam të shmangim një luftë me Rusinë, thotë shefi i mbrojtjes së Mbretërisë së Bashkuar.
Mbretëria e Bashkuar i detyrohet popullit të Ukrainës, Evropës dhe botës që të sigurohet që lufta në Ukrainë të mos përshkallëzohet, tha për BBC shefi i shtabit të mbrojtjes së Mbretërisë së Bashkuar, Admirali Sir Tony Radakin.
Ai thotë se “gjëja e fundit që duam” është një luftë midis NATO-s dhe Rusisë, ndërsa pranon se ukrainasit po përballen me një situatë “të tmerrshme”.
Presidenti i vendit, Volodymyr Zelensky, ka shprehur zemërimin që NATO – aleanca perëndimore e mbrojtjes, pjesë e së cilës është edhe Mbretëria e Bashkuar – po refuzon të vendosë një zonë ndalim-fluturimi mbi hapësirën ajrore të Ukrainës që do të pengonte Rusinë të kryente sulme ajrore. Kjo do ta vendoste aleancën në luftime të drejtpërdrejta me forcat ruse.
Por Sir Toni thotë se pushtimi nuk po shkon mirë për Rusinë dhe ai ka besim se përgjigja e Mbretërisë së Bashkuar është e drejtë.
Nga ana tjetër, zëvendëskryeministri i Mbretërisë së Bashkuar Dominic Raab ka deklaruar se konflikti në Ukrainë do të zgjasë me muaj, nëse jo vite.
Ai tha për Sky News se aleatët duhet të tregojnë “qëndrueshmëri strategjike” për të siguruar që presidenti i Rusisë, Vladimir Putin, të dështojë
VAZHDO TË LEXOSH MË TEPËR PËR TEMËN
