Tea Trifoni ishte personi më i klikuar në internet për shkak të lidhjes së saj me Andin në “Për’puthen”. Ndarja e tyre u bë kryefjala e çdo medie rozë madje shumë njerëz dhe fansa të programit nuk e pritën mirë këtë lajm. E gjithë kjo famë, i dha më pas edhe shumë ‘followers’-a, reklama dhe kontrata pune.
Pas largimit nga “Për’puthen”, ajo u bë pjesë e emisionit më të ri “Goca dhe Gra”. Edhe pse ajo ishte pjesë e disa episodeve që u zhvilluan, më vonë u mësua se ajo nuk do të ishte më pjesë e programit.
Në një lidhje ‘live’ me mikun e saj Arian Konomi, ky i fundit e pyeti se pse nuk ishte pjese e formatit, Tea u pergjigj:
“Me ndërrimin e qeverisë ndryshuan edhe bashkëpunëtorët e qeverisë. Ishte zhgënjyese dhe as nuk u falenderova edhe pse e nisëm gjithçka bashkë nga zero,” u shpreh ajo.
Në fakt, Tea ishte gjithnjë me vonesë, ndaj kjo dyshohet të jetë arsyeja e largimit nga programi.
Rikujtojmë se Tea pas ndarjes me Andin u lidh për një kohë të shkurtër me Beartin, po ashtu një ish-konkurrent i “Për’puthen”. Ata patën një histori dashurie që kishte nisur që brenda emisionit. Andi më pas zyrtarizoi lidhjen e tij me Melisën, të cilët ende vazhdojnë së bashku.
