Real Madrid tashmë mund ta quajmë kampion të Spanjës, vetëm matematika nuk e lejon që sonte të hapte shampanjën e titullit. Los Blancos fituan 1-3 në fushën e Osasunës, pavarësisht se Benzema humbi dy penallti.
Sfida u zhbllokua në minutën e 12’ kur Alaba do u dhuronte avantazhin madrilenëve, festë e cila do të zgjaste shumë pak, pasi vetëm një minutë më pas Budimir do të barazonte. Ndërsa në minutën e 45’ Asensio do t’i dhuronte Realit golin e dytë.
Në fraksionin e dytë Reali do të vijonte të bënte një lojë të bukur, por kjo pjesë do të kthehej në makth për yllin e “Los Blancos”, Karim Benzema, i cili do të humbiste dy penallti brenda 7 minutave, më saktësisht në minutën e 52’ dhe në të 59-ën.
Megjithatë rezultati do të shkonte në 1-3 në minutën e 90+6’ kur Lucas do të shënonte të tretin gol për madrilenët. Pas raundit të 33-të Real Madrid shkon në kuotën e 78 pikëve në krye të renditjes së La Ligas, teksa Osasuna qëndron në vend të nëntë me 44 pikë.
VAZHDO TË LEXOSH MË TEPËR PËR TEMËN
Carlo Ancelotti drejt rekordit unik në Evropë
