“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti:Çfarë ndodh kur konsumoj shumë ujë?
Mjeku:Konsumi i shumtë i ujit prgjatë ditës mund të çojë deri në ndërprerje të funksionit të trurit. Kjo ndodh kur ka shumë ujë në qeliza (përfshirë qelizat e trurit), duke i bërë ato të fryhen. Kur qelizat në tru fryhen ato shkaktojnë presion në tru. Ju mund të filloni të përjetoni gjëra të tilla si konfuzion, përgjumje dhe dhimbje koke. Nëse ky presion rritet, mund të shkaktojë kushte si hipertensioni (presioni i lartë i gjakut) dhe bradikardia (rrahjet e ulëta të zemrës).
Natriumi është elektroliti më i prekur nga mbihidratimi, duke çuar në një gjendje të quajtur hiponatremia. Natriumi është një element thelbësor që ndihmon në ruajtjen e ekuilibrit të lëngjeve brenda dhe jashtë qelizave. Kur nivelet e tij bien për shkak të sasisë së lartë të ujit në trup, lëngjet futen brenda qelizave. Më pas qelizat fryhen, duke ju vënë në rrezik për të pasur kriza apo komplikacione më të rënda deri në vdekje./ WebMD
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
A duhet të pimë 8 gota ujë në ditë?
