Komisioni Qendror i Zgjedhjeve i ka dhënë mandatin e deputetit, Pandeli Majkos, duke zëvendësuar mandatin e ndërprerë të Alqi Bllakos, i cili u arrestua për akuzat e korrupsionit dhe shpërdorimit të detyrës në atë që konsiderohet si afera e inceneratorëve.
Kujtojmë se Majko dorëzoi më herët mëngjesin e kësaj të hëne, në Komisionin Qendror të Zgjedhjeve formularin e dekriminalizimit.
Socialisti do të zërë karrigen e Alqi Bllakos të cilit iu vunë pranga me kërkesë të SPAK për të shkak të përfshirjes në aferën e Inceneratorit të Fierit.
Pandeli Majko u largua nga Kuvendi pas zgjedhjeve parlamentare të 25 Prillit, sepse nuk arriti të grumbullonte votat e nevojshme për të thyer herësin, pasi ishte renditur jashtë listës së sigurt.