Objekti që, prej 82 vitesh, ishte pjesë e memories kolektive, do të rrafshohej 17 majin e dy viteve më parë. Godina, porosi e mbretit Zog, më pas e Teatrit Kombëtar, do të ishte skena e historisë së kryeqytetit, ku kanë hyrë e kanë dalë fashistë, nazistë, komunistë, me të fundit… protestuesit.
Ndërkohë, Kryeministri Rama, vlerëson se lufta në Ukrainë ka rritur çmimet në tërësi, situatë që ka ndikuar edhe për rritjen e kostove në sektorin e ndërtimit.
Nga Kryeministria, gjatë një konference për mediet, Rama u shpreh se, ky është një nga faktorët, pse ka mbetur pezull ndërtimi i teatrit të ri.
Sipas tij, problemi qëndron te zbatimi i projektit, pasi kompanitë nuk mund të marrin pjesë në garë me manualin ekzistues teksa çmimet janë rritur.
“Lufta në Ukrainë, që, ka ndikuar rritjen e çmimeve në tërësi dhe rritjen së çmimit të ndërtimit, në veçanti.
Jemi duke diskutuar për faktin, se, ka pasur një ndikim jo të vogël në industrinë e ndërtimit. Nuk ka asnjë problem, sa i përket projektit të teatrit, i gjithë problemi qëndron te ky moment i vështirë, nga letrat në realitetin e zbatimit, për shkak të rritjes së çmimeve.
Jemi duke rishikuar manualin që kemi për këtë qëllim, sepse është e kotë që me manualin ekzistues, t’u kërkosh kompanive që të marrin pjesë në gara, që janë de fakto, shumë më të shtrenjta nga sa figurojnë në manualin ekzistues”, – tha Rama.
Ndër faktorët e tjerë që kanë penguar ndërtimin e teatrit, Rama përmendi edhe tërmetin e nëntorit 2019 dhe pandeminë.
Kreu i qeverisë, nënvizoi se po punohet për të gjetur një zgjidhje dhe teatri i ri, do të ndërtohet sipas projektir.
Teatri Kombëtar nisi të ndërtohej më 6 janar të vitit 1939 dhe u shkatërrua më 17 maj të vitit 2020. Kjo godinë pjesë e kompleksit Skënderbej, u ndërtua në një truall prej 13 mijë metrash katrorë, ku u vendosën 7 godina.
Respektimi mes hapësirave të gjelbërta dhe godinave u realizua mjeshtërisht, nga arkitektët italianë, që, përmes projekteve dhe planeve urbanistike, i dhanë Tiranës, një stil dhe identitet krejt të veçantë. Dhe kryeqytetit të shqiptarëve, një identitet, një histori, një trashëgimi.
VAZHDO TË LEXOSH MË TEPËR PËR TEMËN
”Ka qenë ajo ditë, më e vështira për mua…”
”Festivali i butë… i shumë ‘gjinive”
