Kryeministri Edi Rama vizitoi këtë të shunë një sipërmarje artizanale të prodhimit të produkteve të qumështit në Krajnë të Lezhës.
Teksa pronari i sipërmarrjes po i tregonte kryeministrit rrugëtimin në biznes nga kasollja e parë ku kishin filluar punën në vitin 2008 deri te godina e re aktuale, shefi i qeverisë nuk i kurseu batutat duke thumbuar opozitën.
Pjesë nga biseda:
Biznesmeni: Ajo kasollja aty është kur kemi filluar në 2008-ën. E kemi nis me 30 litra qumësht, më pas u spostum dhe it hash babës që do bëjmë godinën e re.
Edi Rama: Aty është me partinë e Joridës. Këtu është me partinë e fridës. Në rregull je
Postimi i plotë i kryeministrit:
Me një prej mjeshtrave të restoranteve të spikatur të Lezhës, Fredin e “Rapsodisë” dhe familjen e tij punëtore, në Krajnë të Lezhës, ku po rritet edhe falë mbështetjes së AZHBR-së, një sipërmarrje shembullore prodhimesh artizanale 100% bio, e cila ka kontraktuar 300 blegtorë, duke e dyfishuar në vetëm 1 vit kapacitetin e përpunimit nga 2 në 4 ton qumësht.
Kjo sipërmarrje është një miks blegtorësh të vjetër dhe të rinjsh të kthyer nga emigracioni, ku pasioni për punë e fitimet e rritura, dëshmojnë se ky vend është i bekuar për ata që duan të punojnë pa u lodhur.
