Polonia dhe Bullgaria janë vendet e para të Bashkimit Europian që Rusia ka vendosur të mos furnizojë më me gaz.
Megjithatë, këto dy shtete nuk janë të vetmet që kanë refuzuar kërkesën e Moskës për të paguar në rubla, që sipas Gazprom është arsyeja përse ndërpreu furnizimet me gaz mëngjesin e së mërkurës.
Vende të tjera, që furnizohen normalisht me gaz rus janë:
Austria, e cila vazhdon të paguajë për gazin rus në euro, tha këtë mëngjes se furnizimet po vazhdonin pa kufizime. Ky shtet merr 80% të gazit nga Rusia.
Gjermania gjithashtu ka refuzuar të paguajë për gazin në rubla. Rregullatori i rrjetit të saj tha se po monitoronte situatën, por furnizimi i vendit me gaz “aktualisht është i garantuar”.
I vetmi vend i BE-së që ka pranuar të paguajë për gazin rus në rubla është Hungaria.
Ministri i Jashtëm i saj tha këtë mëngjes se furnizimet vazhdojnë normalisht, duke shtuar se në maj do të transferonte pagesën e radhës për gazin rus në euro për Gazprombank për ta kthyer atë në rubla.
VAZHDO TË LEXOSH MË TEPËR PËR TEMËN
Rusia pezullon furnizimet me gaz për Poloninë dhe Bullgarinë
Çfarë ka ndodhur me çmimet e gazit?
