Tenisti serb Novak Djokovic arriti fitoren nr.1000 në karrierën e tij si profesionist, duke iu bashkuar disa prej legjendave të këtij sporti që kanë arritur më herët këtë rezultat.
Numri 1 në botë, mundi 2-0 (6-4, 6-3) në turneun Masters të Romës norvegjezin Casper Ruud, duke u kualifikuar për në finale. Përballë tij do të jetë greku Stefanos Tsitsipas, që mundi në gjysmëfinalen tjetër 2-1 gjermanin Alexander Zverev (4-6, 6-3, 6-3).
Deri më tani, 1000 fitore në karrierë kanë arritur vetëm tenistët Jimmy Connors, Ivan Lendl, Roger Federer e Rafael Nadal. “Jam i lumtur që arrij këtë rezultat dhe jam në Olimp me disa prej ikonave të këtij sporti”, tha Djokovic.
👋 Welcome to the club ! Novak Djokovic remporte le 1000e match de sa carrière.
1274 – Connors
1251 – Federer
1068 – Lendl
1051 – Nadal
1000 – Djokovic 🆕#IBI22 pic.twitter.com/zxoTCJnQGj— COURTS Mag (@CourtsMag) May 14, 2022
Falë këtij triumfi, Djokovic qëndron në krye të renditjes botërore edhe javën e ardhshme, për të 370-ën javë. Për të, kjo është finalja e 12-të në turneun e Romës, ku ka fituar 5 herë më parë.
