Serie A, Java 36

Dybala shënon për Juven, por Genoa përmbys në limite

06.05.2022 - 22:59

Pas Interit që bëri një përmbysje spektakolare, ishte radha e Genoas që përmbysi në shtëpi Juventus, duke fituar 2-1 në minutën e 96’, duke mbajtur gjallë garën për mbijetesë.

Dybala kalon bardhezinjtë në avantazh në pjesën e dytë, por Gudmundsson dhe një penallti e kapitenit Criscito në minutën e 6-të shtesë i kanë dhuruar fitoren skuadrës kuqeblu.

Genoa ngjitet në kuotën e 28 pikëve dhe mban gjallë shpresat për mbijetesë, ndërsa Juventusi, që i ka arritur objektivat e saj në kampionat, duket se mendonte më shumë për finalen e Kupës së Italisë, që do të luajë kundër Interit në mesjavë.