Rasti i parë me hepatit akut është zbuluar në Heraklion të Kretës në Greqi. Sipas “Cretapost, bëhet fjalë për një djalë 14 muajsh, i cili gjithashtu ishte infektuar me koronavirus disa muaj më parë.
Diagnoza
Gjithçka nisi pak kohë më parë kur fëmijës iu shfaqën simptoma të hepatitit, për pasojë prindërit e tij e cuan për ekzaminim tek pediatri. Mjeku ka konstatuar një ënjtje në mëlçi, duke shtuar shqetësimin se mund të jetë një rast i hepatiti akut, i cili po përhapet në fëmijët në botë.
Tashmë kanë nisur procedurat për të përcaktuar nëse ky rast është përfundimisht një rast i hepatitit akut.
Sipas informacioneve nga mediat vendase, mjekët që janë informuar për gjendjen e tij kanë rekomanduar monitorimin e vazhdueshëm të tij. Në të njëjtën kohë, në mikroskop është vënë edhe fakti që disa muaj më parë ai u sëmur me koronavirus.
Qendra Evropiane për Parandalimin dhe Kontrollin e Sëmundjeve, ka thënë se është duke u rritur numri i rasteve me hepatit akut te fëmijët që kanë qenë të shëndetshëm paraprakisht.
Shumica prej pacientëve janë shëruar, mirëpo një numër i tyre është dashur të bëjnë transplantim të mëlçisë.
Raste të reja janë raportuar edhe në SHBA, Izrael dhe Japoni.
VAZHDO TË LEXOSH MË TEPËR PËR TEMËN
