Vizita e Johnson për të takuar Presidentin Volodymyr Zelensky në Kiev e bëri vendin tonë krenar dhe duhet të përforcojë vendosmërinë tonë për të ndihmuar këta njerëz të guximshëm të çlirojnë kombin e tyre nga agresorët rusë.
Johnson ka parë shkatërrimin që ka shkaktuar Rusia, jo vetëm mbi ndërtesat, por edhe mbi njerëzit.
U desh guxim për të fluturuar në Kiev, por qytetarët e Ukrainës i kanë dhënë botës një mësim për guximin dhe qëndrueshmërinë në rezistencën e tyre ndaj pushtimit.
Ne kemi bërë shumë gjëra për të cilat mund të jemi krenarë për të ndihmuar në luftimin, por kur raketat e Rusisë vrasin civilë dhe provat tregojnë se po kryejnë vrasje të pamëshirshme, ne nuk mund të pretendojmë se kemi bërë ende mjaftueshëm.
Pushtuesi i pamëshirshëm do të luftojë për të marrë dhe mbajtur territorin që e konsideron pjesë të Rusisë së madhe.
Pra, ekziston mundësia që të jenë shumë muaj lufte intensive dhe brutale.
Është e domosdoshme që Putini të mos lejohet të pretendojë fitoren dhe premtimi i Britanisë për një ndihmë të mëtejshme ushtarake prej 100 milionë £ do të ndihmojë.
Nëse ne mund t’i hapim shtëpitë tona për refugjatët, ushtarët e Ukrainës që luftojnë në vijën e frontit mund të paktën të ngushëllohen duke ditur se të dashurit e tyre janë të sigurt, ngrohtë dhe nën kujdes në MB.
Sondazhi ynë nga Redfield dhe Wilton Strategies tregon mbështetje të madhe për udhëheqjen e Johnson gjatë krizës, me 46 për qind që e miratojnë dhe vetëm 24 për qind nuk e miratojnë.
Por lavdërimi më i madh erdhi nga Zelensky kur e përshkroi atë si “një nga kundërshtarët më parimorë të pushtimit rus, një lider në presionin e sanksioneve ndaj Rusisë dhe mbështetjen e mbrojtjes për Ukrainën”.
)
Mes këtij ish-aktori televiziv dhe një ish-gazetari duket se është krijuar një miqësi e vërtetë.
Së bashku, ata po mbrojnë kauzën e lirisë dhe ne shpresojmë se shembulli i tyre do të frymëzojë liderë më hezitues botërorë që t’i rezistojnë regjimit të kalbur të Vladimir Putinit.
Ky është një rast kur kushdo i bekuar me logjikë dhe ndërgjegje mund të kuptojë se çfarë duhet bërë për të qëndruar në anën e duhur të historisë.
Një pushtues duhet të zmbrapset dhe nuk është thjesht një detyrim moral, por një nder fisnik të konsiderosh bashkatdhetarët dhe gratë e Ukrainës vëllezërit dhe motrat tona.
Burimi: Express UK
Përktheu dhe përshtati: Konica.al
