Kryeministri Edi Rama ka folur pas vizitës në Hagë në paraburgim që i bëri ish-Presidentit të Kosovës Hashim Thaçi. Rama tha se kjo vizitë ishte një çmallje e nevojshme dhe se Thaçin e gjeti “në top formë”.
Kreu i qeverisë në mesazhin e shkurtër jashtë ambienteve të paraburgimit të Hagës, shtoi se Lufta Çlirimtare e Kosovës nuk mund të rishkruhet dhe as të futet në korniza të tjera sepse është tanimë e futur në kornizën e artë të heroizmit e sakrificave dhe gjakut të dhënë.
“Ishte një vizitë, ishte një çmallje e nevojshme, Thaçin e gjeta në top formë, i bindur mbase dhe më shumë se para se të vinte këtu që ishte një rrugë e pashmangshme për të provuar katërcipërisht para drejtësisë pastërtinë e plotë të Luftës Çlirimtare dhe të idealit të ushtrisë.
Nuk ka shumë për të thënë, natyrisht që të gjithë ne jemi të bindur se Lufta Çlirimtare e Kosovës nuk mund të rishkruhet dhe as të futet në korniza të tjera sepse është tanimë e futur në kornizën e artë të heroizmit e sakrificave dhe gjakut të dhënë, dhe përpjekjeve që kanë vijuar më tej për Kosovën e lirë”, tha Rama.
VAZHDO TË LEXOSH MË TEPËR PËR TEMËN
“Rama shkoi në Prishtinë, sepse duan të shkatërrojnë Gjykatën Speciale!”
“Haga” pa lidhje e Tiranës me Hagën e Holandës
