Të organizosh një garë të Formula 1 nuk është e lehtë, pasi për të mirëpritur për një fundjavë pilotët më të mirë në botë kushton shumë. Këtë sezon do të zhvillohet numri rekord i 23 garave në këtë sport, por sa kushton për të organizuar një garë të tillë shpejtësie?
Për pista të ndryshme shuma që organizatorët duhet të paguajnë pranë Formula 1 është e ndryshme. Gjithsesi, bëhet fjalë për një shumë marramendëse, që jo të gjithë e përballojnë. Prandaj dhe mjaft pista janë detyruar të tërhiqen (në Gjermani), për shkak të kostove të larta.
Pistat që kanë hyrë në Formula 1 dekadën e fundit kanë edhe kontratat më të shtrenjta me Liberty Media, kompania që zotëron këtë sport. Ja kontratat që pistat e F1 kanë me Liberty Media:
Bahrein, 45 mln $
Arabia Saudite, 55 mln $
Australia, 35 mln $
Imola (Itali), 20 mln $
Miami (USA), bashkëpunim me F1
Spanja, 25 mln $
Montecarlo, 15 mln $
Azerbajxhan, 55 mln $
Kanada, 30 mln $
Franca, 22 mln $
Austria, 25 mln $
Anglia, 25 mln $
Hungaria, 40 mln $
Belgjika, 22 mln $
Holanda, 32 mln $
Monza (Itali), 25 mln $
Rusia, 50 mln $
Singapori, 35 mln $
Japonia, 35 mln $
Meksika, 25 mln $
Austin (USA), 25 mln $
Brazili, 25 mln $
Abu Dhabi, 40 mln $
Kina, 50 mln $
Katari, 55 mln $
