03.05.2022 - 12:02
Një fenomen i pazakontë ndodh në një fshat në Malin e Zi. Mediat e huaja shkruajnë se nga trungu i një mani 100 vjeçar në fshatin Dinoshë në komunën e Tuzi buron ujë.
Sipas banorëve çdo vit pasi të përfundojë dimri, trungu i manit kthehet në burim që rrjedh.
Sipas tyre, ky fenomen zgjatë vetëm një ditë ose dy.
Ndërkohë deri më tani nuk ka ende ndonjë shpjegim se pse ndodh ky fenomen natyror, por pamjet tregojnë një fushë të mbushur me ujë për shkak të ujit që del nga trungu.
