Ish-kreu i Departamentit të Sigurisë së Brendshmë të Ukrainës Andriy Naumov, është arrestuar në Preshevë pas i u kap me një shumë të madhe parash.
Doganierët dhe punonjësit e policisë kufitare parandaluan kontrabandën e 600 mijë eurove, 125 mijë dollarëve cash dhe një guri të çmuar smerald në mjetin tip “BMW”, në të cilin gjendeshin, siç u njoftua asokohe, shtetasi gjerman A.A. dhe shtetasi ukrainas A.N., për të cilin mediat ukrainase pretendojnë se është Andriy Naumov.
Më 31 mars, Presidenti i Ukrainës, Volodymyr Zelensky, e largoi atë nga posti i kreut të Departamentit të Sigurisë së Brendshme, duke e akuzuar për tradhti të lartë. Shtetasi gjerman dyshohet se është shoferi i tij. Në një deklaratë të MPB-së së Serbisë tre ditë më parë thuhet se gjermani A. A. dhe ukrainasi A. N. janë arrestuar nën dyshimin për pastrim parash.
