Furnizoi makinën dhe iku pa paguar, arrestohet 32-vjeçari

Një 32-vjeçar është vënë në pranga në qytetin e Durrësit pasi furnizoi automjetin me karburant dhe u largua pa paguar.

Bëhet e ditur se 32-vjeçari me iniciale R.K., u vu në pranga nga Specialistët për Hetimin e Krimeve në Stacionin e Policisë Plazh. Pas ndalimit, rezultoi se 32-vjeçari drejtonte automjetin, në gjendje të dehur.

NJOFTIMI

“Specialistët për Hetimin e Krimeve në Stacionin e Policisë Plazh arrestuan në flagrancë shtetasin R. K., 32 vjeç, pasi ka furnizuar automjetin me karburat, në një pikë karburanti, dhe është larguar pa bërë pagesën. Pas ndalimit nga Policia rezultoi se 32-vjeçari drejtonte automjetin, në gjëndje të dehur.”