Teksa e cilëson të paprecedent vendimin e Bullgarisë, Rumanisë, Malit të Zi dhe Maqedonisë së Veriut për të mbyllur hapësirën ajrore për avionin e tij, shefi i diplomacisë ruse Sergei Lavrov ka bërë publik një detaj tepër të rendësishëm për publikun shqipfolës, që ka të bëjë me Ballkanin e Hapur.
Lavrov shprehet ndër të tjera se Ballkani i Hapur ishte një iniciativë serbe dhe se Rusia e mbështeste këtë pavarësisht kundërshtimeve të Brukselit.
“BE do që të aplikoë një projekt të quajtur Ballkani i Mbylluyr”, tha Lavrov duke e cilësuar këtë një veprim kundër interesave ruse. “Ne vlerësojmë nisjat kurajoze të ndërmarra nga Serbia dhe Presidentit Vuçiç, i cili ka theksuar se nuk do të angazohet në veprime kundër Rusisë, edhe pse BE do që vendet kandidate të rreshtohen në veprime rusofobike”, tha ai ndërkohë që shtoi:
“Siç duket qartë, ata që lëvizin fijet në Bruksel nuk e duan këtë. Ata nuk duan që ne të mbështesin Beogradin, përfshi Ballkanin e Hapur. Duket qartë që ata që janë Bruksel, por edhe NATO duan të aplikojnë në Ballkan projektin e Ballkanit të Mbyllur”.
Kjo është një ndër deklaratat më të forta të bëra nga një shef diplomacie i huaj në lidhje me Ballkanin e Hapur ku Serbia, Shqipëria dhe Maqedonia e Veriut janë angazhuar seriozisht në implementimin e kësaj nisje. Të vetmit shtete që rezistojnë janë Mali i Zi dhe Kosova. /abcnews.al
VAZHDO TË LEXOSH MË TEPËR PËR TEMËN
Analiza në DW: Moska po zgjeron ndikimin e saj, synimi është të…
Vuçiçi si Putini, synon të krijojë “Srpski Svet”, Botën Serbe
Beogradi lë dyert e hapura për rublën ruse
