Komentet për Diego Armando Maradonën janë të shumta, por kur janë nga legjenda të tjera të futbollit, për më tepër kundërshtarë të tij në fushën e lojës, marrin vlera akoma më të mëdha. Ja tri nga thëniet për yllin e futbollit botëror, tashmë i ndarë nga jeta:
Ottavio Bianchi – “Në katër vjet nuk e kam dëgjuar një herë të mallkojë një shok skuadre. Ai kurrë nuk e peshoi talentin e tij, për ata që gabuan ai gjithmonë kishte një fjalë inkurajimi, kurrë një qortim.”
Ruud Gullit – “Ai ishte një lider, një futbollist i madh që dinte të fitonte i vetëm, siç bëri në Botëror. Kur shoh Messin mendoj se është një futbollist i madh, por mbrohet nga gjyqtarët, kamerat, rregullorja. Messi thjesht mund të driblojë, Diego duhej të hidhej më lart, jo thjesht të driblonte, sepse donin t’i thyenin këmbët.”
Paolo Maldini – “Maradona nuk ishte vetëm futbollisti më i madh, por edhe më i ndershmi. Ai ishte model i sjelljes së mirë në fushë. Ai i respektonte të gjithë, nga lojtarët kryesorë e deri te futbollistët ‘normalë’. Ai ishte gjithmonë i sulmuar nga faullet dhe kurrë nuk ankohej, ndryshe nga disa sulmues të sotëm.”
VAZHDO TË LEXOSH MË TEPËR PËR TEMËN
10 shtëpitë më të shtrenjta të futbollistëve
10 sportistët më të kërkuar në Google
