Në futboll jemi mësuar të shohim lojtarë që trofetë apo arritjet personale t’i përjetësojnë në trupin e tyre, tatuazhe pafund. Lojtarë si Ibrahimovic apo Sergio Ramos e shumë të tjerë janë personifikimi më i qartë i këtij trendi të përhapur prej vitesh.
Në kohët e sotme lajm përbën ata sportistë që nuk kanë asnjë tatu në trupin e tyre. Corriere dello Sport ka përpiluar një listë të veçantë me disa nga sportistët më të famshëm që nuk kanë asnjë tatuazh në trupin e tyre.
Nga futbollistët më të famshëm, në krye qëndron Cristiano Ronaldo, është e njohur ideja e tij për të mos pasur asnjë tatu në trupin e tij, pasi në këtë mënyrë nuk do të mund të dhuronte dot gjak.
Në këtë listë gjejnë edhe dy nga lojtarët më të lakuar në tregun e transferimeve, Kylian Mbappe dhe Erling Haaland, të dy nuk kanë asnjë tatuazh në trup. Këtij grupi i bashkohet edhe Luka Modric.
Interesant është fakti se tre tenistët më të famshëm në botë, Nadal, Federer dhe Djokovic asnjë prej tyre nuk ka asnjë tatuazh. Këtë zgjedhje e ka marrë edhe Serena Ëilliams. Gjithashtu një nga të paktët basketbollist që nuk ka asnjë tatu është edhe Gasol.
VAZHDO TË LEXOSH MË TEPËR PËR TEMËN
Ronaldo mbetet mbret i rrjeteve sociale, shumë para Messit e Neymar
Sadio Mane beqar, kushti që vendos ai për gruan e ardhshme
