Kreu i Partisë Demokratike, Sali Berisha, paralajmëroi hapur kryeministrin Edi Rama, lidhur me vjedhjen e votave.
Nga studio e emisionit “Open” të gazetares Eni Vasili, në News24, Berisha iu drejtua drejtpërdrejt Ramës, duke thënë “le të provojë ta prekë votën, ndërsa tha se në mënyrë kategorike nuk i njeh zgjedhjet, pasi sipas tij, kryeministri ka përdorur gjithë shtetin.
“Me bindjen më të thellë, Ramën e kam armik, për dy arsye, por njëra është më kryesorja, vota. Ky njeri ka ardhur në pushtet pa i vënë kush asnjë stërkëmb. Ka fituar një palë zgjedhje, që të vëzhguara, është thënë se kryeministri ka zbatuar vendimin e tij. Ka një vendim, i cili përjashton shtetin nga partia në zgjedhje. Unë jam marrë gjithë jetën me këtë punë dhe ju them se nuk ka kriter më themelor se ky për zgjedhje të ndershme, sepse nëse kryeministri nuk do të dorëzojë pushtetin, mobilizon gjithë shtetin dhe një parti që nuk ka as 1/5 e këtyre potencialeve e ka të pamundur të fitojë.
Edi Rama e faktoi këtë, por Glover është ajo që deklaroi në zgjedhjet lokale u përdor gjerësisht shteti në zgjedhje, e përdori edhe më shumë në zgjedhjet e fundit, ku përdori patronazhistët, gjakun, krimin në Elbasan, etj. Nuk ja fal kategorikisht zgjedhjet Ramës. Nëse tregon një marrëveshje që ka respektuar Edi Rama, më thuaj. Marrëveshjet kur bëhen mes opozitës dhe pushtetit, barra i bie pushtetit t’i zbatojë, dhe unë ja kam zbatuar marrëveshjen atij me rigorozitetin më të madh. Armik do të thotë ai që të shkelmon votën, që nuk të lejon të votosh. Në mënyrë absolute ai s’do mund të prekë më votën e shqiptarëve. Ta prek ta provojë. Le ta provojë. Kaq i them: Provoje!”, tha Berisha.
VAZHDO TË LEXOSH MË TEPËR PËR TEMËN
Kur Berisha “vesh” këpucët e Lulzim Bashës
PD prezanton grupet e punës për organizimin e protestës së 7 korrikut!
