Kryetarja e LSI-së, Monika Kryemadhi në një intervistë për Zërin e Amerikës është ndalur tek afera e inceneratorëve, duke theksuar se nëse do të funksiononte drejtësia, atëherë do të ishte zbardhur skema e mashtrimit.
Sipas saj, janë 189 milionë euro evazion fiskal nga kompanitë e inceneratorëve.
Sa i takon protestës së 7 korrikut, Kryemadhi u shpreh se nuk ishte një protestë e opozitës, por një protestë e gjithë shqiptarëve.
“Nuk e mendoj që shqiptarët atë ditë në 7 korrik ishin për shkak të figurave politike. Protesta nuk ishte e PD dhe e militantëve. Goditja që opozita e kaluar i bëri protestës duke shitur kauzat është e vështirë për ta rikthyer. Mendoj që sot shqiptarët nuk kanë nevojë për ta identifikuar qëndresën me fytyrën e Monikës, por si i merren 80 mln euro me inceneratorët. Kjo ka cënuar integritetin e të dhënave personale.
Nëse protestat do të jenë qendrestare dhe qytetare, protestat e studentëve në 2018 ushtruan presion tek Rama. Kjo bëri që të ndryshonte 99% e qeverisë.
Ajo që ngre unë zërin është se nëse do të funksiononte drejtësia do të kishim zbardhjen e skemës. 189 mln dollarë është evazioni fiskal”, tha Kryemadhi.
VAZHDO TË LEXOSH MË TEPËR PËR TEMËN
