15.07.2022 - 09:12
Një ngjarje tragjike ndodhi ditën e djeshme në Durrës, ku 18-vjeçari, që shihni në fotografi, hyri në det për të shpëtuar vëllanë 15-vjeçar dhe një tjetër 15-vjeçar, të cilët po mbyteshin, por fatkeqësisht nuk ja doli që të dilte vetë nga uji.
Viktimë mbeti adoleshenti Anri Kashniku, i cili nxori nga uji dy të miturit, por humbi tragjikisht jetën vetë. Ndërkohë, politikanë, miq dhe të afërm kanë shprehur dhimbjen e thellë për këtë humbje tragjike.
Njoftimi i policisë:
Në vijim të informacionit paraprak për shtetasin A. K., rreth 18 vjeç, që dyshohet se u fut në det, për të shpëtuar dy fëmijë të mitur, ju bëjmë me dije se:
Shërbimet e Policisë Kufitare kanë gjetur dhe kanë nxjerrë nga uji, trupin e pajetë të shtetasit A. K.
