Pjesa më madhe e djemve dhe vitet e fundit edhe shumë vajza ëndërrojnë të bëhen futbollistë profesionistë. Koha kalon dhe disa ia dalin falë talentit dhe angazhimit, por shumica janë të detyruar të kthehen në karriera të tjera.
Më pas ka nga ata që nuk dorëzohen dhe…thuajse arrijnë të debutojnë në Champions League edhe pa asnjë lloj talenti sportiv. Është historia e Gregoire Akcelrod, i cili ka meritën se është shtirur si futbollist në një mënyrë shumë të besueshme.
DEBUTIMET – I lindur në Paris, Akcelrod tregoi historinë e tij disa kohë më parë për Daily Mail: “Ndeshjen time të parë e luajta para babait tim në moshën 10-vjeçare. Pas ndeshje ai më tha: ‘Greg, jam shumë i mërzitur, ti je i tmerrshëm, je dembel. Nuk dua të të shoh më në një fushë futbolli’. Isha i tronditur”.
Në moshën 18-vjeçare praktikisht është përjashtuar nga futbolli për mungesë talenti, por nuk dorëzohet: krijon një faqe interneti të rreme në të cilën prezantohet si lojtar i ekipit të dytë të PSG-së.
Një gjysmë gënjeshtër, pasi kishte arritur të futej në ekipin amator të quajtur në fakt…PSG në divizionin e fundit të futbollit francez. Edhe familja ia kthen shpinën pasi djali ka këmbëngulur për futboll në vend të arsimimit dhe karrierës.
RINIA – Në moshën 19 vjeç, ai ka jetuar në një apartament dhe ka punuar në një restorant fast food-i. Por nuk zgjati: ai ka depërtuar në Parc des Princes për të bërë foto me fanellën e PSG-së dhe për t’i përfshirë në CV dhe faqen e tij, detajet e të cilave ua ka dërguar shumë klubeve angleze. Ai u refuzua padyshim nga Chelsea, Manchester City dhe Arsenal, por Sëindon Toën, në 2003, i dha atij mundësinë e një provimi.
Dështoi ditën e parë për shkak të pamundësisë për të kryer një goditje me kokë pa marrë topin në fytyrë. Por edhe Bournemouth i dha një shans dhe madje shënoi një gol në një ndeshje miqësore me ta.
Ai rikthehet në Sëindon ku shënon 2 gola në një miqësore, por nuk mjafton. Më pas vijnë dy oferta nga dy klube të Luksemburgut, të cilat u refuzuan jashtëzakonisht nga lojtari sepse ishin klube “shumë të vogla për të”. Por në vitin 2009 ai aplikoi për CSKA Sofia, një klub i kualifikuar për Champions League.
E PASHPJEGUESHME – Pa provime, i bindur nga faqja dhe CV-ja, CSKA nënshkruan një kontratë trevjeçare me vlerë rreth 17.000 euro në muaj. “Ata më fotografuan me fanellën e CSKA-së, unë firmosa kontratën dhe e postova lajmin në faqen e tyre.
“Tifozët e PSG-së nuk më njihnin, ata thanë se nuk isha një lojtar i vërtetë: ata kishin kontrolluar faqen time. Ata kontaktuan me gazetarët në Sofje dhe thanë se klubi po merrte një lojtar të rremë”.
Sot, në moshën 39-vjeçare, Gregoire ka një karrierë efektive në futboll si menaxher për lojtarët e rinj. Dhe nga një këndvështrim i caktuar është e kuptueshme: kush më mirë se ai do të ishte në gjendje të këshillonte se si të bindet një ekip?
Manuali gjendet në librari: ‘Pro At All Costs’ “profesionist me çdo kusht”, autobiografia e tij ku shpjegon sekretin e suksesit. E tij, e pashpjegueshme, të paktën
VAZHDO TË LEXOSH MË TEPËR PËR TEMËN
5 tredhëmbëshit më të mirë të Barçës në sulm
