Nga: Aurenc Bebja, Francë – 13 Korrik 2022
“La Dépêche Algérienne” ka botuar, të mërkurën e 17 shtatorit 1913, në ballinë, intervistën e Myfit Bej Libohovës dhënë asokohe gazetës austriake “Neue Freie Presse”, që, Aurenc Bebja, nëpërmjet Blogut “Dars (Klos), Mat – Albania”, e sjell për publikun shqiptar:
Projektet e Shqipërisë
Vjenë, 16 shtator.
Myfit Bej Libohova, ministri i Punëve të Jashtme të Shqipërisë, në një artikull të botuar nga “Neue Freie Presse”, përmbledh detyrat më urgjente të qeverisë shqiptare.
E para, tha ai, do të jetë formimi i qeverisë për të zëvendësuar qeverinë e përkohshme.
Problemi i hekurudhave dhe i komunikimeve është aktualisht, objekt i studimeve të thelluara. Linja e parë, ndoshta do të jetë ajo e Vlorës, Beratit, Elbasanit, Durrësit dhe Shkodrës, për të cilën tashmë është prezantuar një projekt austriak.
Z. Libohova, më pas kritikon qëndrimin e Greqisë ndaj Shqipërisë. Ai beson se aleanca e Greqisë me shtetet sllave, është e panatyrshme.
Në një të ardhme shumë të afërt, – shton ai, – Greqia do të ketë nevojë për miqësinë e Shqipërisë, që nga ana e saj, kurrë nuk do të ndjekë politikën antibullgare.
Ministri thekson se Austro-Hungaria dhe Italia kanë një interes të madh, që, Shqipëria të jetë e fortë, domethënë, të ketë një ushtri prej të paktën, 100 mijë vetësh, detyra e të cilëve do të jetë, – thotë ai, – të parandalojnë valën sllave drejt Adriatikut.
VAZHDO TË LEXOSH MË TEPËR PËR TEMËN
“Përkthyesi që mori në dorë fatin e Shqipërisë”
Shqipëria filloi sot udhën e Pavarësisë
50 fakte që nuk i dinit nga jeta e Ismail Qemalit
