Analisti Mentor Nazarko ka komentuar deklaratën e fortë të presidentit malazez se me nismën “Ballkani i Hapur”, Kosova, Mali i Zi, Bosnjë Hercegovina dhe Maqedonia e Veriut, do të “zhdukeshin”.
Në studion e ABC Live, me Sibora Bitrin, Nazarko tha se politika të tilla në rajon janë për të sjellë konflikte të brendshme. Sipas tij, ka një xhelozi nga shtete që nuk e kanë përkrahur nismën që në nisje.
“Dihet që Gjkanoviç nuk e pëlqen këtë iniciativë. Ka një non sens të tij. Kjo nuk ështëë një iniciativë e mbështetur.
Nisja nga tre shtete ka krijuar xhelozi që nuk kanë qenë të përfshira që në start. Mali i Zi, Kosova dhe Bosnja.
Mali i Zi ka arsye që është më afër integrimit evropian. Duket qartë që shtete të tjera si Kroacia dhe Sllovenia nuk e pëlqejnë një iniciativë të tillë. Ballkani i Hapur është krejt ndryshe. Është vetëm e ballkanasve. Për këtë arsye ka krijuar xhelozi dhe retorikë agresive”, deklaroi Nazarko.
VAZHDO TË LEXOSH MË TEPËR PËR TEMËN
