Sipas francezes Le Parisien, sulmuesi i Paris Saint-Germain, Neymar JR, i është ofruar Manchester City-t në këtë merkato të verës. Me largimet e Raheem Sterling dhe Gabriel Jesus nga Etihad Stadium, ka patur zëra se klubi ka qenë i interesuar që të gjente një sulmues.
Pavarësish blerjes së Erling Haland për 60 milionë euro dhe atë të talentit të ri Julian Alvarez nga River Plate, tifozët janë të shqetësuar se klubi nuk ka shumë alternativa në sulm.
Riyad Mahrez ka nënshkruar në ditët e kaluara një rinovim dyvjeçar me klubin dhe ka qenë shumë i rëndësishëm para portës në sezonin e kaluar të Premier League. Blerja rekord e Jack Grealish do të kërkojë të jetë më protagonist sezonin e ardhshëm, ashtu si Cole Plamer, i cili ka bërë një hap të madh përpara në ekipin e parë sezonin e kaluar.
Megjithatë, kas patur disa interesime për sulmues të tjerë në Europë. Serge Gnabry është parë si një mundësi, por gjermani nënshkroi rinovimin me kampionët e Bundesliga-s.
Një tjetër emër ka qenë ai i yllit të PSG-së, Neymar, i cili duket se nuk bën më pjesë në projektin teknik të klubi francez. Le Parisien ka bërë ditur tani se kampionët e Ligue 1 kanë kontaktuar City-n, por skuadra e Pep Guardiola-s ka refuzuar të nisë një negociatë.
Para refuzimit të City-t, marrëveshja është përshkruar si një ‘operacion i denjë për NBA’ për shkak të bujës së madhe që do të shkaktonte. Guardiola nuk ka dëshirë të prishë balancën e skuadrës dhe marrja e një lojtar me cilësitë e brazilianit do të krijonte një diferencë të madhe për sa u takon rrogave.
Kontrata e 30-vjeçarit skadon në 2025-ën, me transferimin e tij 220 milionë eurosh te PSG nga Barcelona në 2017-ën që ka tronditur botën. Objektivi kryesor ishte që Neymar të udhëhiqte skuadrën franceze drejt lavdisë në Champions League, por objektivi nuk është arritur deri tani.
Në 2020-ën, ai ka qenë pjesë e formacionit që arriti finalen kundër Bayern Munich, por që u mund 1-0. Pavarësisht gjithçkaje, nuk mund të mohohet se braziliani është një talent i jashtëzakonshëm. Ai ka shënuar 100 gola në 144 ndeshje të luajtura me PSG-në.
VAZHDO TË LEXOSH MË TEPËR PËR TEMËN
Broja i vë kusht Chelsea-s, dy klube rikthehen në garë për të
