Shumë lojtarë brazilianë largohen nga vendi i tyre kur janë ende shumë të rinj dhe e gjejnë veten duke u marrë me jetën jashtë shtetit vetëm dhe në vende kultura e të cilave ndonjëherë nuk është aspak e përputhshme me të tyren.
Si në rastin e Fernandinhos, transferimi i parë u bë në Ukrainë. Më pas braziliani u përshtat shumë mirë në Europë, deri në atë pikë sa u bë një nga kapitenët e Manchester City-t, përpara se të kthehej në shtëpi te Atletico Paranaense.
Por duke folur për The Players’ Tribune disa kohë më parë ai ka treguar për muajt e tij të parë në Kontinentin e Vjetër, duke shpjeguar se mbërriti aq i papërgatitur deri në atë pikë sa nuk kishte as…një llogari bankare.
PARATË – Shakhtar Donetsk, i cili vuri bast për të, e pagoi atë me para në dorë, të cilat i shkonin direkt në hotelin ku qëndronte mesfushori, pasi nuk kishte gjetur ende një shtëpi dhe po qëndronte përkohësisht.
“Në fund të muajit tim të parë në Ukrainë, unë ende nuk kisha një llogari bankare dhe klubi po më paguante bonuset në para. Dhe ishin shumë të mëdha parash, për një fëmijë që mendonte se tridhjetë dollarë ishin shumë para ishte një gjë e vërtetë e çmendur.
“Në atë kohë unë ende jetoja në një hotel dhe absolutisht nuk dija çfarë të bëja me gjithë ato para. Dhe mbi të gjitha, ku t’i vendoste pa tërhequr shumë vëmendje, sepse të besosh është mirë, por të mos besosh është më mirë” – shprehet Fernandinho.
TENXHERE ME PRESION – Prandaj, ndoshta vjen një zgjidhje e improvizuar, por absolutisht efektive. “I tregova gruas sime tufën e parave dhe më në fund ajo e mbështolli me një peshqir dhe e fshehu në tenxhere me presion. Më tha ‘askush nuk do t’i gjejë këtu, këtu në Ukrainë askush nuk e ka idenë se çfarë është një tenxhere me presion!
Me pagën time të parë dhe bonusin e nënshkrimit kam mundur të blija menjëherë një apartament nënës sime në Curitiba, por në krahasim me atë që shpenzonin shokët e mi të vjetër të skuadrës, mund të themi gjithashtu se isha kursimtar!
Por, duke lënë mënjanë paratë, kalova tetë vite vërtet të mrekullueshme në Ukrainë” – përfundon braziliani. Dhe në fund, Fernandinho u bë braziliani më europian që ekziston…
VAZHDO TË LEXOSH MË TEPËR PËR TEMËN
“Maradona bamirës, nuk do harroj atë ndeshje në baltë”
