Novak Djokovic kalon në gjysmëfinale të Wimbledon, pas një ndeshje maratonë që zgjati 3 orë e 35 minuta, duke fituar 3-2 me përmbysje ndaj italianit Jannik Sinner. Tenisti serb po humbiste me 2 sete, por Djokovic mori zemër dhe fitoi tre sete radhazi dhe gjithë ndeshje, duke mbetur pretendent për fitimin e turneut londinez.
Përpos rivalitetit dhe pikëve spektakolare, episodi që ra në sy ishte momenti kur tenisti italian u dëmtua, ndërsa serbi kaloi rrjetën dhe i shkoi në ndihmë. Ky moment mori ovacionet e publikut. Kjo është gjysmëfinalja e 11-të në karrierë për Novak Djokovic, që do të përballet me britanikun Cameron Norrie, i cili mundi 3-2 belgun David Goffin pas një maratone që zgjati 4 orë.
This is how champions play 💫
Over to you, @DjokerNole… #Wimbledon | #CentreCourt100 pic.twitter.com/fn5KXfpxUo
— Wimbledon (@Wimbledon) July 5, 2022
Te femrat, për herë të parë në historinë e tenisit, një afrikane shkon në gjysmëfinalen e një grand slam. Bëhet fjalë për tunizianen Ons Jabeur, që avancon mes 4 më të mirave në Wimbledon. Në çerekfinale, ajo mundi 2-1 çeken Marie Bouzkova.
Një fitore me përmbysje e tenistes afrikane, aktualisht numri 3 në botë. Ajo është tenistja e vetme nga “top-10” e kualifikuar dhe konsiderohet si favorite për këtë turne. Përballë saj në gjysmëfinale do të jetë tenistja gjermane Tatjana Maria, numri 103 në botë.
The moment Ons Jabeur reached her first Grand Slam semi-final#Wimbledon | #CentreCourt100 pic.twitter.com/c7z6F9UUYw
— Wimbledon (@Wimbledon) July 5, 2022
