Cristiano Ronaldo ka udhëtuar drejt qytetit të Manchesterit ditën e sotme për të ndarë një herë e mirë “hesapet” me drejtuesit e “Djajve të Kuq” për të ardhmen e tij.
Pavarësisht se tashmë ndodhet në qytet, nuk dihet nëse sulmuesi portugez do të rikthehet në stërvitje nën urdhrat e Ten Hag. United e ka bërë të qartë që 37-vjeçari nuk është në shitje dhe lojtari është në planet e trajnerit holandez.
Megjithatë, dëshira e Ronaldos për të luajtur në Champions League ka bërë që pesë herë fituesi i Topit të Artë të kërkojë largimin. Skuadra më e përfolur është Atletico e Madridit dhe Diego Simeone është pajtuar më idenë e transferimit të tij në “Wanda Metropolitano”, por, gjithsesi, trajneri duhet t’i bëjë vend portugezit në ekip.
Përflitet se mund të largohet Antoine Griezmann dhe Alvaro Morata, që 37-vjeçari të transferohet përsëri në Madrid, por këtë radhë te rivali historik i Realit.
Edhe partnerja e Ronaldos, Georgina Rodriguez, sapo i ka nxitur edhe më tej thashethemet, duke ndjekur në Instagram Carla Pereyran, bashkëshorten e trajnerit të “Los Colchoneros”, Diego Simeone.
VAZHDO TË LEXOSH MË TEPËR PËR TEMËN
