Al-Kaeda mund të hakmerret me sulme terroriste pas vrasjes së kreut të saj Aiman Al-Zauahiri. Paralajmërimi vjen nga Departamenti Amerikan i Shtetit, që përmes një deklarate për shtyp paralajmëron shtetasit amerikanë në mbarë botën të bëjnë kujdes.
Departamenti i Shtetit thotë se vrasja e tij nga CIA mund të nxisë mbështetësit e Al Kaedës apo grupeve të tjera terroriste shenjestrojnë shtetasit amerikanë në mbarë botën, stafin diplomatik, ambasadat apo objektet e tjera që lidhen me Shtetet e Bashkuara.
Të dhënat e siguruara nga zbulimi amerikan tregojnë se grupet terroriste po vazhdojnë të hartojnë plane për kryerjen e akteve të terrorit kundër interesave të Shteteve të Bashkuara në rajone të ndryshme të globit. Taktikat variojnë nga sulmet vetvrasëse, atentatet, pengmarrjet apo vendosjet e bombave.
