Një palë vathë janë bërë arsyeja që Dafina nxiti komente të shumta në rrjete sociale.
Bëhet fjalë për një palë vathë me perla, me të cilët Dafina u shfaq në fotot e fundit në rrjete sociale ndërsa Era në paralajmërimin e bashkēpunimit me Mozzik kishte të njëjtit në vesh.
Ajo e akuzoi se i ka kopjuar vathët por më pas e fshiu.
Ajo publikoi një status tjetër ku shkruante: “U funny (je qesharake)”.
Nisur nga kjo, ndjekësit shpërthyen në komente duke mbajtur qëndrime të ndryshme. Pjesa më e madhe shkruajnë se Dafina është një artiste e madhe, por nuk duhet të nisë sherre për një palë vathë.
Të tjerë janë treguar më të ashpër.
“Kur shpërndan urrejtje, merr urrejtje. Merr shembull nga Elvana, Dhurata, Kida sa pozitive dhe aspak inatçore për sukseset e kolegëve. Ti dhe Tayna jeni shumë toksike! Shiko punën tënde, rritu!”- shkruan një komentues.
Sigurisht fan-base e dy këngëtareve kanë mbështetur idhujt e tyre përkatës, duke bërë edhe krahasime mes tyre.
Pas reagimit të Dafinës, Era Istrefi shmangu gjithçka dhe deri tani ajo nuk ka bërë asnjë postim lidhur me debatin e nxehtë që ka nisur në rrjetet sociale.
Vlen të theksohet se të dyja kanë postuar fotot me një diferencë të shkurtër kohore.
Po ashtu fotoja e Erës është shkrepur ditë më parë kur ka xhiruar videoklipin me Mozzik.
Aksesorët nuk janë ekskluzivë dhe sot tendencat njihen shpejt dhe nga të gjithë, ndaj është e vështirë të kuptosh se kush kë po kopjon dhe mbi të gjitha nëse po “kopjon” apo thjesht ndjek një trend.
Dhe si për ironi të fatit në mbrëmje Dafina dhe Era performuan në të njëjtin club.
VAZHDO TË LEXOSH MË TEPËR PËR TEMËN
