Erling Haaland, nuk është aspak i shqetësuar për ambientimin në Premier League pas transferimit këtë verë nga Borussia Dortmund dhe mezi po pret debutimin e tij kundër West Ham-it të dielën. Pritshmëritë ndaj 22-vjeçarit në skuadrën e Pep Guardiolës janë të mëdha.
“Do të shohim për ambientimin. Ka nga ata që u duhet kohë, të tjerë përshtaten menjëherë. Të shohim, por nuk jam i shqetësuar. Kjo është jeta e një futbollisti, ti duhet të jetosh me të”, tha sulmuesi norvegjez gjatë një interviste për “Sky Sports”.
“Ti je si një lloj prestigjiatori që do gjykohesh çdo javë për atë që bën në fushë dhe duhet të japësh më të mirën. Për mua si sulmues kjo është diçka që nuk mund ta stresoj veten, sepse nëse mendon shumë, mund të përfundosh duke bërë gjëra që nuk dëshiron t’i bësh” – shtoi ai.
Erling sapo ka festuar 22-vjetorin dhe është i ndërgjegjshëm se sa shumë duhet të përmirësohet për të arritur në nivele të tjera: “Kjo është diçka që duhet ta bëj. Si një lojtar i ri, të luash për Pep Guardiolën dhe të luash për klubin më të mirë në Angli, duhet të përmirësosh shumë gjëra.
Kjo më pëlqen shumë nga futbolli, ku ti nuk mund të qëndrosh kurrë në vendnumëro. Kimia me lojtarët e tjerë në fushë është diçka që do të vijë herët apo vonë. Unë jam një lojtar i uritur për gola, një futbollist që jep 100%, njëri që do të fitojë çdo ndeshje”.
Me buzëqeshjen e një lojtari që duket sikur do të luajë për herë të parë futboll, ai mezi e fsheh entuziazmin për Premier League që starton për të këtë të diel në transfertën londineze me West Ham:
“Ka shumë ekipe të forta në Angli. Nuk ka vetëm 2, 3, 4 apo 5 ekipe këtu. Unë u rrita në Norvegji, por të gjithë ndjekin Premier League. Mezi po pres të ndjek atmosferën e rivalitetit tonë kundër atyre dhe tifozëve kundër njëri-tjetrit.
Kam parë shumë ndeshje nga stadiumi. Këtu ritmi është i lartë. Do të jetë e vështirë dhe kjo është tërheqëse për këtë kampionat. Është një kompeticion i bukur dhe i vështirë prandaj është më popullori në botë”.
RONALDO DHE IBRA – Haaland nuk e ka fshehur admirimin e tij për Cristiano Ronaldon dhe Zlatan Ibrahimovic në të shkuarën. Dhe i ngacmuar se ai nuk ka atë egoizmin e tyre në fushë dhe jashtë saj, norvegjezi tha se ai është një karakter që nuk i pëlqen që të jetë në qendër të vëmendjes:
“Jo, unë nuk kam nevojë për këtë. Mua më pëlqen që të bëj ndonjë shaka në ‘Instagram’ këtu apo atje. Por me të vërtetë më pëlqen që të jem i qetë, të argëtohem, të qesh shumë dhe shijoj atë që po bëj”.
VAZHDO TË LEXOSH MË TEPËR PËR TEMËN
Sot startojnë 3 ligat e para të mëdha në Evropë
Chelsea mban Brojën, merr edhe numrin në fanellë
