Donald Trump ka thënë se shtëpia e tij në Florida u bastis nga FBI, në një përshkallëzim dramatik të hetimeve ligjore ndaj ish-presidentit amerikan.
Në një deklaratë të gjatë të hënën në mbrëmje, Trump tha se një “grup i madh” agjentësh të FBI-së ishin në Mar-a-Lago në Palm Beach dhe i kishin hapur edhe kasafortën. Kërkimi thuhet se ishte i lidhur me një hetim për keqmenaxhimin e materialeve të klasifikuara gjatë kohës që ishte në detyrë.
FBI dhe Departamenti i Drejtësisë nuk kanë komentuar ende.
Një zyrtar i paidentifikuar i zbatimit të ligjit i tha CBS News, partnerit të BBC-së në SHBA, se Shërbimi Sekret u njoftua pak përpara se urdhri të dorëzohej rreth orës 10:00 me orën lokale (14:00 GMT) dhe se agjentët që mbronin Trump ndihmuan hetuesit e FBI-së.
Ne nuk e dimë se çfarë kërkonte FBI-ja, por gjyqësori nuk lëshon urdhra kontrolli për një tekë apo në mënyrë që agjentët të mund të “kapin ndonjë peshk”.
Duhet të ketë prova të besueshme të një krimi – dhe gjyqtari duhet të jetë i bindur që një kontroll i asaj prone specifike mund ta zbulojë atë.
Se cilin krim, kjo është një pyetje për të cilën nuk e dimë përgjigjen, pasi departamenti i drejtësisë ende nuk ka komentuar.
Një mundësi është keqpërdorimi i dokumenteve të klasifikuara, të cilat një juri e madhe tashmë po e shqyrton. Kjo mund të çojë në një dënim me tre vjet burg.
Rreziku ligjor është sigurisht një lajm i keq për ish-presidentin, por kjo është gjithashtu një mundësi e artë politike – që Donald Trump ndoshta poe shijon teksa mendon një tjetër kandidim në Shtëpinë e Bardhë.
Tashmë është galvanizuar republikanët e lartë që të kërcënojnë hetimet në Departamentin e Drejtësisë nëse ata marrin përsëri Kongresin në zgjedhjet afatmesme të nëntorit.
Bëhuni gati: shfaqja e Trump është kthyer.
Analizë nga Gary O’Donoghue, korrespondent i Uashingtonit
Burimi: BBC
Përktheu dhe përshtati: Konica.al
VAZHDO TË LEXOSH MË TEPËR PËR TEMËN
Momentet kur FBI mësyn në rezidencën e Trump. Reagimi i ish-Presidentit
