Dëmtimi i Romelu Lukaku shqetësoi jo pak trajnerin Inzaghi. Së fundmi, klubi i Interit ka bërë një postim në rrjetet sociale, ku shpjegon se bëhet fjalë për diçka serioze dhe analiza të tjera do të kryhen javën tjetër.
Në të tilla kushte, sulmuesi humbet ndeshjen e mesjavës me Cremonesen, sfidën e fundjavës derbi me Milanin dhe takimin me Bayern. Nuk dihet se kur do e shikojmë lojtarin në fushë, me nënkampionët e Italisë që tashmë duhet të bëjnë pa të.
Fatkeqësisht, ky dëmtim vjen pikërisht në një periudhë kur Interi ka një kalendar të ngjeshur. Gjithsesi, trajneri Inzaghi ka alternativa të mira.
“Romelu Lukaku iu nënshtrua sot disa kontrolleve në institutin ‘Humanitas’ të Rozanos, pas shqetësimit muskulor që ndjeu në stërvitjen e djeshme në mëngjes. Verifikimet sinjalizuan një tërheqje në muskujt e kofshës së majtë. Gjendja e tij do të rivlerësohet pas një jave”, shkruan Inter.
VAZHDO TË LEXOSH MË TEPËR PËR TEMËN
Kylian Mbappe i lidhur me një transgjinore?
Disa nga bluzat më të bukura të Botërorit 2022
Kërcënohet Pogba, i kërkojnë 13 mln euro
