Partitë opozitare në Greqi kërkuan dorëheqjen e kryeministrit Kyriakos Mitsotakis dhe kërkuan zgjedhje të parakohshme gjatë një debati të ashpër në Parlament për skandalin e përgjimeve.
Kreu i partisë kryesore të opozitës, Alexis Tsipras tha se Mitsotakis jo vetëm që ishte në dijeni për përgjimin e liderit të PASOK, Nikos Androulakis, por ai urdhëroi shërbimin e inteligjencës që ta spiunonte atë.
Ai i bëri thirrje kryeministrit të zbulojë pse Androulakis ishte nën përgjim dhe të marrë përgjegjësinë politike për skandalin duke dhënë dorëheqjen dhe duke thirrur zgjedhje të parakohshme.
“Ju jeni ligjërisht, politikisht, por kryesisht moralisht i detyruar të thoni pse po vëzhgonit deputetin e atëhershëm evropian dhe tani kreun e partisë së tretë më të madhe në Greqi”, tha Tsipras.
“Jepni një përgjigje,” kërkoi ai. “Ju jeni të detyruar të përgjigjeni. Cila ishte kjo arsye kombëtare? A është ai agjent i interesave të huaja… A është i rrezikshëm për sigurinë kombëtare?”
Mitsotakis, i cili përballet me rizgjedhjen vitin e ardhshëm, ka këmbëngulur se ai nuk ishte në dijeni të asaj që ai e quajti përgjimin ligjor të Androulakis, por se ai nuk do ta kishte miratuar nëse do ta dinte.
Skandali i përgjimeve ka tronditur Greqinë
Shërbimi Informativ Kombëtar i Greqisë (EYP) raporton drejtpërdrejt në zyrën e kryeministrit.
“Ne iu përgjigjëm me shpejtësi kërkesës për të nisur më herët sesionin parlamentar me shpresën se do të ketë zgjidhje në funksionimin e strukturave shtetërore”, tha Mitsotakis.
“Shpresoj se diskutimi do të zhvillohet në një klimë përgjegjësie kombëtare dhe ne do të kërkojmë konvergjenca. Asnjë nga iniciativat tona nuk duhet të dëmtojë punën e rëndësishme kombëtare të bërë nga EYP,” theksoi ai, duke vënë në dukje se kjo duhet të përmirësohet dhe të mos pengojë aktivitetet e saj pasi ishte inteligjenca e EYP-së që kishte ndihmuar Greqinë të përgatitej kundër një pushtimi masiv nga emigrantët në Evros në 2020.
VAZHDO TË LEXOSH MË TEPËR PËR TEMËN
Greqia “zien” nga skandali i përgjimeve!
