Pirja e alkoolit në verë konsiderohet e rrezikshme nga ekspertët, pasi mund të shkaktojë sëmundje të lëkurës dhe të përkeqësojë ato ekzistuese. Birra freskuese dhe kokteji i këndshëm veçanërisht nën diell mund të dëmtojnë lëkurën dhe jo vetëm për shkak të dehidrimit të shkaktuar nga alkooli.
Hulumtimet kanë treguar se alkooli shkakton djegie nga dielli më shpejt, duke rritur rrezikun e kancerit të lëkurës kërcënuese për jetën, si melanoma.
Pse duhet ta shmangim alkoolin në plazh
“Rrezatimi UV dihet se prish homeostazën e lëkurës me mekanizma të shumtë. Efektet nuk kufizohen vetëm në një skuqje të lëkurës, por përfshijnë gjithashtu djegie nga dielli, një reduktim të antioksidantëve, dëmtim të ADN-së dhe një dobësim të aftësisë së lëkurës për t’u përballur në mënyrë efektive me sulmet.
Efektet janë edhe më të këqija kur pimë alkool ndërsa jemi të ekspozuar në diell. Studimet tregojnë se efekti i tij është i dëmshëm, gjë që e bën ashpërsinë e djegies nga dielli edhe më të rrezikshme se ajo që ndodh kur abstenojmë nga alkooli”, paralajmëron dermatologu – venerologu Dr. Christos Stamou.
Alkooli është një toksinë pothuajse pa vlera ushqyese që shkakton shumë probleme në organizëm. Përkeqëson funksionin e mëlçisë, ka ndikim negativ në imunitet, shkakton çrregullime hormonale, dëmtime të qelizave dhe probleme me insulinën, të cilat ndikojnë në cilësinë, pamjen dhe plakjen e lëkurës.
Është gjithashtu një diuretik dhe mund të çojë në dehidratim, duke prekur qelizat e lëkurës, të cilat bëhen të thata dhe shfaqin linja dhe rrudha të imta. Shumë nga pijet që pimë gjatë verës janë shpesh të pasura me sheqer. Vera, birra dhe koktejet përpunohen nga trupi në të njëjtën mënyrë si sheqeri i thjeshtë, pasi të gjitha e përmbajnë atë në sasi të ndryshme.
Sheqeri nxit inflamacionin (rritja e sekretimit të insulinës, e cila ka një efekt negativ në çekuilibrin hormonal që çon në probleme të lëkurës), shkatërron fibrat e kolagjenit dhe elastinës dhe çaktivizon antioksidantët natyralë të lëkurës.
VAZHDO TË LEXOSH MË TEPËR PËR TEMËN
Si të nxiheni shpejt pa u dëmtuar
Vetëm dy orë kohë për t’u bërë gati për plazh?
