Fitorja në zgjedhjet e përgjithshme parlamentare të koalicionit të djathtë ekstrem në Itali, të mbajtura më 25 shtator, është vetëm hapi i parë për të formuar një qeveri funksionale.
Ja si do të shkojnë gjërat në ditët në vijim:
Rezultatet zyrtare duan ende kohë të shpallen, llogaritjet përfundimtare ka gjasa të vijnë nga ministria e Brendshme më vonë të hënën.
Deri më 13 tetor – por ndoshta shumë më shpejt – parlamenti do të mblidhet për herë të parë që nga zgjedhjet. Procesi formal i formimit të qeverisë nuk mund të nisë deri atëherë
Pas 20 tetorit, presidenti i Italisë negocion më pas me të gjitha palët se kush do të formojë qeverinë – megjithëse ka të ngjarë të jetë mjaft e qartë se koalicioni i zonjës Meloni është opsioni i vetëm.
Fundi i tetorit: Duke supozuar se është kështu, Presidenti Mattarella do të emërojë Giorgia Meloni si kryeministre e vendit.
Më pas, ajo do të fillojë të ndërtojë qeverinë e saj dhe t’i shpërndajë postet ministrore partisë së saj dhe aleatëve të koalicionit, si dhe të bie dakord për prioritetet e saj.
Këto negociata ka të ngjarë të kenë vazhduar joformalisht për ca kohë, por pasi të ftohen për të formuar një qeveri, gjithçka do të vendoset.
Dhe sapo të ndodhë, zonja Meloni do të pranojë zyrtarisht ftesën e presidentit dhe do të emërojë ministrat e saj, duke vijuar më pas me betimin e qeverisë së re të Italisë.
Qeveria e re duhet gjithashtu të kalojë një votëbesim në të dyja dhomat brenda 10 ditëve nga betimi – por kjo ka të ngjarë të jetë thjesht një formalitet pasi koalicioni i zonjës Meloni duket se do të ketë kontrollin e të dyjave, nëse rezultatet e fundit janë ndonjë tregues.
BBC
