Në vitin 2019, kur u përball me Barcelonën në “Santiago Bernabéu”, Karim Benzema u bë viktimë e një vjedhjeje të shtëpisë së tij. Në fakt, në këtë situatë e pa veten edhe në janar 2022, gjatë një takimi kundër Elche.
Francezi duket se është objektivi kryesor i hajdutëve. Sipas informacioneve të “Marca” është gjetur personi përgjegjës për këto dy grabitje. Bëhet fjalë për Alfred Prodani nga Laçi, i cili drejtonte ndërmarrjen publike të ujësjellësit të Kurbinit.
Ky fakt bëri jehonë në mediat iberike se si grabitësit në vendin e tyre kapin pozicione të tilla drejtuese në Shqipëri. Prodani u arrestua para disa muajsh falë ndërhyrjes së Interpolit dhe policisë shqiptare, ndërsa sot është ekstraduar drejt Spanjës. Këtë fakt e ka bërë me dije, edhe përmes pamjeve, policia iberike:
La colaboración entre las OCN #INTERPOL de #Madrid y #Tirana han permitido la extradición de un ciudadano albanés buscado por la justicia española, gracias al convenio firmado entre #España y #Albania
Se trata del presunto autor del robo en el domicilio de un conocido futbolista pic.twitter.com/alZ3QW1o1e
— Policía Nacional (@policia) September 13, 2022
“Bashkëpunimi mes NCB të INTERPOL të Madridit dhe Tiranës ka mundësuar ekstradimin e një shtetasi shqiptar të kërkuar nga sistemi i drejtësisë spanjolle, falë marrëveshjes së nënshkruar mes Spanjës dhe Shqipërisë. Ky është Alfred Prodani, autori i dyshuar i grabitjes në shtëpinë e një futbollisti të njohur”.
“Skifteri” kurbinas akuzohet për rreth 40 vjedhje të kryera në Spanjë, ku tashmë do të gjykohet dhe do të marrë dënimin përkatës.
VAZHDO TË LEXOSH MË TEPËR PËR TEMËN
Arrestohet drejtori i Ujësjellësit të Kurbinit
