24.09.2022 - 11:53
Gjithçka e lehtë për Argjentinën e Lionel Scalonit. Albiceleste fitoi me rezultat të pastër 3-0 në miqësoren e luajtur kundër Hondurasit. Sulmuesi i Interit, Lautaro Martinez dhe Lionel Messi ishin autorë të golave vendimtarë, me asin e PSG-së që shënoi dy herë.
Sfida e luajtur në stadiumin “Hard Rock” në Miami u zhbllokua pas vetëm çerek ore lojë me golin e Lautaro Martinez, i shërbyer në mënyrë perfekte nga Papu Gomez. Pak çaste nga pushimi mes dy pjesëve, skenën e mori Lionel Messi, i cili fillimisht realizoi penalltinë për 2-0.
Më pas e përfundoi punën në pjesën e dytë me një gol të mrekullueshëm nga jashtë zonës. Ishte minuta e 69-të, kur u vulos rezultati përfundimtar 3-0. Lionel Scaloni, i cili ngjitet në 34 ndeshje pa humbje.
