Futbolli ka ndryshuar shumë në vitet e fundit, kontratat e lojtarëve dhe kërkesat e tyre po bëhen gjithnjë e më absurde. “Corriere dello Sport” ka përpiluar një listë me disa nga kërkesat më të çuditshme në vitet e fundit.
Leo Messi përpara se të kalonte te PSG i kishte dorëzuar Barcelonës një listë të gjatë me kushte për të rinovuar. Vendosja e një avioni privat në dispozicion të familjes për të kaluar pushimet ishte një nga kërkesat e shumta të “pleshtit”, në fund klubi blaugrana vendosi ta lë të lirë.
Samuel Eto’o tek Anzhi. Pasi fitoi “tripletën” me Inter, Eto’o u kthye në një nga lojtarët më të paguar në botë. Sulmuesi nga Kameruni vendosi të transferohet tek Anzhi, klub nga Dagistani. Në nga kërkesat e tij të çuditshme ishte vendosja në dispozicion të një helikopteri për të shkuar në stërvitje në Moskë, në fund klubi rus e pranoi.
Ronaldinho te Flamengo. Pas një aventure të gjatë në Evropë, Ronaldinho vendosi të kthehej në Brazil. Në kontratën që firmosi me Flamengon ishte një klauzolë që e lejonte të dilte dy herë në javë për të festuar, klubi e pranoi këtë kusht dhe Dinho ia shpërbleu me 32 gola në 44 ndeshje.
Kean te Juventus. Në momentin e tij më të mirë, Kean negociojë me Juven për rinovimin e kontratës ndërsa babai i tij, njëkohësisht edhe agjent, i kërkoi klubit ti blinin një flotë me traktorë për fermën e tij. Fillimisht drejtuesit e Juves pranuan, por më pas e fshinë si klauzolë.
Neymar-Barcelona. Në 2013 Neymar kërkohej nga Barcelona dhe Real Madrid. Sulmuesi përpara se të firmoste me Barçën i kërkoi klubit që një herë në dy muaj ata t’i mundësonin transportin e miqve të tij nga Brazili në Barcelonë.
I fundit është Icardi. Klubi i Galatasaray u dorëzua përpara kërkesave të Ëanda Narës: roje 24 orë në 24, shofer personal, një shef kuzhine dhe një shtëpi të sigurt. Gjithashtu një shkollë për fëmijët deri në dhjetor.
VAZHDO TË LEXOSH MË TEPËR PËR TEMËN
