Vladimir Putin i ka kursyer vetes një sfidë: atë të maskimit të aneksimit të njëanshëm të territoreve ukrainase të pushtuara.
Organizimi i asaj që Rusia prezantoi si “referendume” në këto territore të vendosura në lindje dhe në jug të vendit me një ritëm kërmilli, ka prodhuar një ”spektakël votash” të mbledhura derë më derë nga banorë që nuk u larguan nga luftimet.
Këto vota do të ishin për të qeshur nëse nuk do të hapnin rrugën drejt një përshkallëzimi potencialisht të rrezikshëm.
Ka më shumë se gjasa që vetëm kombet mashtrues të guxojnë të njohin rezultatet, duke pasur parasysh mospërfilljen absolute të normave.
Aleatët perëndimorë të Ukrainës duhet të përgjigjen duke miratuar sanksione të reja.
Kjo shfaqje ruse e forcës tregon para së gjithash vlerësimin që kreu i Kremlinit ka për banorët e këtyre rajoneve, të cilat përfaqësojnë rreth një të pestën e territorit të Ukrainës.
Ishte e parashikueshme, në fakt, që ata do t’i nënshtroheshin kësaj.
Këto “referendume” janë konfirmimi i realitetit të dominimit rus, i cili është bërë përditshmëria e tyre.
Putin mund të shfaqë edhe një herë përbuzjen e tij për standardet ndërkombëtare të shkelura në Ukrainë që nga viti 2014. Pasi Kremlini të ketë dekretuar aneksimin e pushtimeve të tij në Rusi, me shumë gjasa do të rizbulojë parimin e paprekshmërisë së kufijve. Dhe do të shpallë synimin e saj për t’i mbrojtur ata duke kundërshtuar të gjitha kundërsulmimet krejtësisht legjitime të Ukrainës.
Pikërisht këtu qëndron rreziku.
Efekti goditës i këtyre referendumeve e fut Rusinë në një logjikë lufte, në një rreth vicioz.
Konflikti është shoqëruar edhe me gafa, e fundit e të cilave është sabotimi i tubacioneve të gazit në Detin Baltik, për të cilin askush nuk ka marrë përgjegjësi.
Përballë kësaj situate në përshkallëzim, aleatët e Ukrainës kanë edhe më pak arsye për të hequr dorë nga një përpjekje që po jep rezultate në terren.
Nën presionin e tyre, Putin u detyrua të përshpejtonte kohën e këtyre votimeve, të cilat u bënë edhe më groteske. Ai u detyrua gjithashtu në një mobilizim të pjesshëm, të cilin rusët e moshës luftarake shpesh e refuzuan. duke ikur jashtë vendit.
Është domethënëse që këto operacione ruse në Ukrainë përkojnë me organizimin në Hungari, një shtet joliberal, të një “konsultimi” të opinionit publik mbi rëndësinë e sanksioneve të miratuara kundër Rusisë.
Kryeministri hungarez është mësuar me këto manovra të maskuara si zgjedhje demokratike, të cilat vetëm mashtrojnë ose naivët ose budallenjtë.
Burimi: Le Monde
Përktheu dhe përshtati: Konica.al
VAZHDO TË LEXOSH MË TEPËR PËR TEMËN
Mes rrënojave të Ukrainës, Rusia po rindërton totalitarizmin
Deklaratat e Putinit, Xhaçka: Lëvizje të dëshpëruara
