Roma bie përsëri në kampionat dhe humb terren me kreun. Verdhekuqtë janë mundur në shtëpi 0-1 nga Atalanta, me këtë të fundit që merr edhe kreun provizor të renditjes.
Pas 35 minutave me shumë intensitet dhe pak cilësi, një lëvizje e bukur e Hojlund dhe një goditje magjike e Giorgio Scalvini-t ka zhbllokuar ndeshja në Olimpico mes Roma-s dhe Atalanta-s. Goli i dytë në Serie A për mbrojtësin e ri 18-vjeçar,
Roma ka pasur një mundësi të artë për të barazuar rezultatin në minutat e fundit të pjesës së parë, por Abraham ka gabuar në mënyrë të pabesueshme një rast të pastër. Më pas ka ardhur radha e Ibanez për të shpërdoruar një tjetër rast shumë të mirë.
Në minutën e 57-të Zaniolo ka pretenduar për një penallti pasi është rrëzuar nga një kundërshtar në zonën e rreptësisë së zikaltërve. Arbitri ka dhënë fillimisht goditje dënimi jashtë zone dhe më pas e ka ndryshuar vendimin në faull në sulm pasi pamjet kanë treguar se faulli ishte shkaktuar nga lojtari i Roma-s.
Never change, Jose Mourinho pic.twitter.com/mGeZLUl49i
— Has the Referee or VAR made a poor decision? (@PoorEPLreferees) September 18, 2022
Një vendim ky që ka acaruar trajnerin Jose Mourinho, i cili është futur në fushën e lojës për t’u ballafaquar me arbitrin e ndeshjes, me këtë të fundit që e ka ndëshkuar portugezin me karton të kuq. Rezultati nuk ndryshoi deri në fund, pavarësisht përpjekjeve të të dyja skuadrave.
VAZHDO TË LEXOSH MË TEPËR PËR TEMËN
Juventus në krizë, mposhtet edhe nga vendi i fundit
