21.09.2022 - 13:18
60-vjeçari Kol Pepkola, i cili u raportua se kishte humbur në qytetin e Durrësit është gjetur. 60-vjeçari vuan nga sëmundja e sklerozës.
Ndërsa Mikel Laçi, 33-vjeç është ende në kërkim. Ai ka probleme të shëndetit mendor, ndërsa familjarët apelojnë për ndihmë për ta kërkuar.
Mikel Laçi, 33-vjeçari ditën kur është larguar është veshur me një xhup dhe kapele të zezë, ndërsa është parë për herë të fundit në 16 shtator rreth orës 17:00 pranë Pallatit të Sportit në Durrës.
Nëna e tij kërkon ndihmë dhe apelon që kushdo që e ka parë apo e sheh të njoftojë në këtë numër: 068 602 6685.
